O evento en liña de 3 días, está promovido polos proxectos GAIN, iFishIENCi e IMPAQT financiados pola UE H2020. FEUGA participa na organización como líder das actividades de comunicación e difusión dentro de IMPAQT.
A acuicultura e o crecemento sostible deben ir da man. Así o confirmou a Comisión Europea nas súas directrices estratéxicas para a acuicultura da UE 2021-2030, e entendérono GAIN, iFishIENCi e IMPAQT, tres iniciativas H2020 financiadas pola UE que traballan para lograr a ecointensificación, preservar a biodiversidade e desenvolver mellores prácticas e tecnoloxías.
Compartindo este obxectivo, os tres proxectos da UE lanzaron Horizon4 Aquaculture, un evento en liña de tres días – 15, 22 e 29 de xuño – para traballar xuntos en 3 aspectos clave: política e regulación, circularidade e acuicultura de precisión.
Horizon4 Aquaculture convida a investigadores, acuicultores, lexisladores, organizacións nacionais e pan-nacionais de desenvolvemento da acuicultura para unirse á conversación e contribuír ao presente e futuro do sector, achandando o camiño para ser unha industria máis ecolóxica e máis eficiente.
O evento comeza o 15 de xuño cunha sesión dedicada a discutir políticas, prácticas e regulacións, analizando brechas e oportunidades ao longo de toda a cadea de valor da produción acuícola, desde a preprodución ata o mercado de consumo.
O 22 de xuño, o debate céntrase en “Progreso cara á acuicultura circular”, reunindo a expertos en economía circular e acuicultura para compartir coñecementos e puntos de vista sobre o que significa a circularidade na acuicultura, como debe abordarse e medirse, e como pode converterse en parte do negocio dos produtores de acuicultura.
Finalmente, o 29 de xuño destacará “Acuicultura de precisión na economía azul”, as súas demandas e impactos en materia de sustentabilidade, rendibilidade e confianza do consumidor. Esta sesión inclúe un Demo Day para explorar as últimas tecnoloxías innovadoras desenvolvidas por GAIN, iFishIENCi e IMPAQT, e comprobar en primeira persoa como contribúen a resolver problemas e optimizar a produción acuícola.
Máis información e inscricións: http://ifishienci.eu/horizon4aquaculture/
