Proxecto formativo de alto nivel e pioneiro en España desenvolvido co apoio institucional da Xunta de Galicia. Esta iniciativa foi deseñada especificamente para o colectivo investigador, co obxectivo de impulsar a competitividade, a excelencia e a mellora continua nos centros de investigación da Comunidade Autónoma de Galicia.
O proxecto desdóbrase en dúas accións formativas:
- GESCI, dirixida a perfís de dirección, busca fomentar o liderado dos centros de investigación da comunidade sobre unha base de eficiencia, responsabilidade e excelencia científica, así como consolidar a planificación estratéxica e a cultura da avaliación periódica científica e institucional como mecanismos de mellora continua.
- GOSCI, dirixida a perfís técnicos de soporte á investigación, pretende contribuír a optimizar o funcionamento económico e organizativo dos centros e apoiar a xestión do cambio necesaria para dar un salto de calidade significativo no sistema.
Ademais, estas accións compleméntanse cun servizo de asesoramento experto por centro, orientado a acelerar os seus procesos de cambio individuais.
No período de execución do proxecto, realizáronse 3 edicións de ambos os programas, nas que se formaron 145 persoas, a través da impartición de 653 horas de formación, e se obtivo unha valoración media de 8,75.
Principais actividades desenvolvidas:
- Deseño do proxecto formativo e do programa de contidos.
- Execución dos programas formativos: selección de docentes, captación do alumnado, elaboración de materiais, xestión organizativa das sesións etc.
- Xestión de actividades complementarias á formación: elaboración de guías metodolóxicas e organización e coordinación do asesoramento experto posformación.
- Avaliación do impacto da formación no ámbito dos participantes e das súas institucións de pertenza.
Otros casos de éxito
01
REDE CIGUS
02
GALICIA 2030
01
REDE CIGUS
02
GALICIA 2030